TEXTE "Mir bassn zu zwort af koi Kova mehr draf"


NA, DO IS KOI PLOTZ MEHR FREI

Ich hock im Zuch, seit iba na halbn Stund,
lejba kumm i eja, denn die Letztn beißn d’ Hund.
A Depp frogt mi is do nu frei, um sie herzuplatzn,
und kaum hockada do, dada me voll quatschn.

Ich sitz im Wirtshaus, in da letztn Eckn,
wal wer heid sein Fried hom mecht, muaße halt versteckn.
Dann kummt a Weib zu mir, so a hässliche Krodan,
wüll wissen is da frei, um mi voll zu sodan.

REF:  Dei Quatsch intessiert mi nird,
mid dir wird se nird o gem.
Neba mir da hock scho ich,
und etz renn um dei Lem.
Ich wir glei an Anfall grejng,
und du vom Fenster asse flejng.
Und etz verschwind bevor ich spei,
na do is koi Plotz mehr frei!

Afn Lokus hock ich, um a Rundn zu scheißn,
do fangt jemand a, an meiner Dir zu reißn.
Der do drassn moint, wenn frei is solle a Stickl ruckn,
denn er mecht mid mir am Klo gemeinsam druckn.

Mid na Frau bin ich im Bett, wir wolln uns grod vermehrn,
denn oinmal im Johr, wird ma des ja wohl derm.
Vo drassn kummt a Stimm, ich glab ich her nird recht,

ob nu a Plotz frei is, wala mid machen mecht.

© 2003 Alfons Bauer 3 / Sentementol