TEXTE "Dunkelschwarzgrün"


AS GRILLFEST

Da Max der wollt sein Hunger stülln,
drum hada dacht, heid demma grülln.
Im Gortn sans dann beianander gsessn
und wolltn in Ruhe Abendessen.

Af oinmal langt da Jürgn ins Feier ei
und macht dabei a riesn Gschrei.
Da Max moint ja so a blede Sau,
des is doch hoaß, des woiß der ganz genau.

D’ Manuela springt vor Lachn af,
schitt as Verseng in Max as Limo draf.
Und in ihrem ganzn Schwung,
reißts in Grüll a nu mid um.

Dej Gluad dej flejgt am Max sein Bauch,
d Magit holt dann glei in Wasserschlauch.
Draht af und löscht ihrn Ehegattn
und schreit Kinda etz hoißts Koffa backn.

Doch da Max der brüllt etz is Schluß
und gibt in Jürgn an Gnadnschuß.
Dann schauta af sei verbrennde Wampn,
haut d’ Ela af die nächste Straßnlampn.

Zum Martin sagta ram des Zeich do weg,
wal ich sunst nu ganz verreck.
Und etz brauche erst a mal a Bier,
bevore mein Verstand verlier.


© 1998 Alfons Bauer 3 / Sentementol